主页 > 走在家居 >【自助餐放蛇卧底组】$400有找 高级和牛火锅 放题 >

【自助餐放蛇卧底组】$400有找 高级和牛火锅 放题

2020-06-13


本身只有烧肉 放题 嘅盛八,最近开埋火锅 放题 ,主打日本A4级飞驒和牛,埋单一个人$400有找,係咪真係咁正?即睇试食报告!

记者前后总共食咗三盘飞驒和牛,并唔係因为好食到要食三盘,而係想知係咪每盘嘅质素都係一样!

 

第一盘飞驒和牛卖相唔错,脂肪纹细緻且密,肉质几滑,有少少入口即溶的感觉。

【自助餐放蛇卧底组】$400有找 高级和牛火锅 放题

第二盘飞驒和牛个样同第一盘有啲出入喎,肥过第一盘,有少少筋。

【自助餐放蛇卧底组】$400有找 高级和牛火锅 放题

 

第三盘飞驒和牛比之前嗰碟更多肥膏,差咗D喎……

【自助餐放蛇卧底组】$400有找 高级和牛火锅 放题

总结嚟讲,飞驒和牛虽然较肥,不过味道同口感都係合格嘅,唔似一般打边炉肥牛咁韧!

环境舒适 似自助餐

喺旺角新开嘅Deli Square有三层,可能因为唔係几易揾嘅关係,呢到平日晚饭时间都冇爆场。餐厅嘅设计宽敞,枱与枱之间有一定的空间,讚!亦都有啲似自修室嘅位,几得意。

呢到除咗肉类之外,其他火锅材料都係以自助餐形式摆放,所有食材分门别类,环境企理乾净,讚!最令我惊喜係有热情果汁,好甜好好味!忍唔住要饮多几杯。除咗火锅之外仲有个刺身bar,每人每次限攞四块,有效打击大嘥鬼!刺身有三文鱼、章鱼、玉子、剑鱼等。

三文鱼刺身超厚切!新鲜肥美,够晒弹牙,劲香三文鱼味!一定要添食再添食!

【自助餐放蛇卧底组】$400有找 高级和牛火锅 放题

除咗公仔麵、乌冬,打边炉都可以试下粉红色嘅柚子麵同绿色嘅绿茶麵。柚子麵闻落似香精,係冇柚子味嘅;绿茶麵同柚子麵一样,闻落係冇绿茶味嘅,食落两只麵其实同普通拉麵係冇!分!别!

【自助餐放蛇卧底组】$400有找 高级和牛火锅 放题

喺甜品隔离有两个电饭煲,分别载有白饭同日式红酒烩和牛。打边炉食到咁上下,整返碗咖喱和牛饭都唔错。闻落咖喱味好香,食落反而冇咩咖喱味,只有辣味,和牛粒够腍,捞饭食其实都OK!由于佢呢到限时90分钟,打边炉食唔饱的话,可以考虑食返碗咖喱和牛饭。

记者攞嘢打边炉时行过见到劲多甜品,已经留定肚。超过十款甜品,加埋绿茶喷泉,真係冇得输,唔知味道係点呢?

【自助餐放蛇卧底组】$400有找 高级和牛火锅 放题

 

朱古力蛋糕同朱古力泡芙係必食!朱古力味超香超浓,食落又唔漏,唔觉唔觉又食咗几件。绿茶喷泉嘅绿茶味够香,又够甜,有得玩又有得食,小朋友一定中意。虽然好多甜品都好味,但都有伏嘅!呢到嘅mousse都係似药水味。呢个有绵花糖喺入面嘅甜品,口感好奇怪,又酸,食到忍唔住吐出嚟。

【自助餐放蛇卧底组】$400有找 高级和牛火锅 放题

总分:7.5/10

环境舒适,而且食物选择够多,如果拣最贵价钱嘅套餐可以任食全部嘅肉,包括飞驒和牛、贵族和牛、牛肩肉、鸡肉、严选豚肉等。出面百几蚊先得100g飞驒和牛,所以呢到任食飞驒和牛係超抵!唯一唔好係限时90分钟,其实真係唔係好够时间,食得有啲急,如果可以慢慢食就好喇。

 

 

盛八日式火锅放题店

地址:旺角通菜街1A-J号威达Deli 2商业大厦3楼B室

晚市价钱:$178-$378 (入座起计90分钟)

 

延伸閲读:

30000呎人气酒场 自家风乾牛 + 手工啤酒 【鲗鱼涌】

【Food Battle】10支$300下超市好味 梅酒

邪恶饮食地图系列!无惧胆固醇 5大重料 牛角包

新假期周刊 电子书:

ios

Android

新假期食玩报料:wwjetso@gmail.com

欢迎Instagram / facebook 使用#weekendhk 报料,资料一经选中会为你公告天下!

想最快接收第一手的旅游饮食资讯?Easy!

1. 先分别讚好「新假期周刊」及「新假期Jetso 」两个Facebook专页

2. 在「讚好」按扭下拣选「抢先看」,搞掂!

【自助餐放蛇卧底组】$400有找 高级和牛火锅 放题



上一篇:
下一篇: