主页 > IT发布 >【自助餐放蛇起底组】 $128深宵放题 椰子鸡煲火锅食足4 >

【自助餐放蛇起底组】 $128深宵放题 椰子鸡煲火锅食足4

2020-06-13


麻辣鸡煲食得多,椰子鸡煲你又食过未?今次就带大家去深水埗食宵夜,10:30pm入座,鸡煲+打边炉食到凌晨3am,食足4.5小时,都只不过收$128,咁抵玩!喺边先?立即去片!

任食前菜 冷热盘质素ok

椰子鸡煲有两款,想食浓味啲可以拣海南椰子鸡煲,想食清甜啲可以拣椰青椰子鸡煲。(其实除咗椰子鸡煲,呢度仲有重庆麻辣鸡煲和烤鱼拣。)

鸡煲未到,去自助区最取无食前菜,过下口瘾先。有近10款冷热盘,冷盘有蒜泥白肉、卤水猪耳丝同手拍青瓜等,热盘就有咖喱鱼蛋、鹹菜猪肚、沙姜鸡脚同炸春卷。蒜泥白肉有辣汁同蒜泥喺旁边,自己食几多加几多,不过就几块肉痴埋一嚿,逼你一连食几嚿。咖喱鱼蛋猪皮索晒咖喱汁,辣辣地好食,鱼蛋已经进入腍嘅状态,扣分。鹹菜猪肚爽口,但同沙姜鸡脚一样,都唔够入味。

【自助餐放蛇起底组】 $128深宵放题  椰子鸡煲火锅食足4
今次要试下浓汁惹味嘅海南椰子鸡煲!
【自助餐放蛇起底组】 $128深宵放题  椰子鸡煲火锅食足4
有5样冷盘,有蒜泥白肉同手拍青瓜等。
【自助餐放蛇起底组】 $128深宵放题  椰子鸡煲火锅食足4
热盘有咖喱鱼蛋、鹹菜猪肚、沙姜鸡脚同炸春卷。
【自助餐放蛇起底组】 $128深宵放题  椰子鸡煲火锅食足4
蒜泥白肉好多嚿肉痴埋晒,用夹係分唔开佢哋啰。
【自助餐放蛇起底组】 $128深宵放题  椰子鸡煲火锅食足4
逼人食咁大嚿。
【自助餐放蛇起底组】 $128深宵放题  椰子鸡煲火锅食足4
鹹菜猪肚同沙姜鸡脚都唔够入味。
【自助餐放蛇起底组】 $128深宵放题  椰子鸡煲火锅食足4
咖喱鱼蛋咖喱汁辣辣地,猪皮好爽口而且索晒啲汁,不过鱼蛋已经有啲腍。
【自助餐放蛇起底组】 $128深宵放题  椰子鸡煲火锅食足4
饮品任饮,有汽水同啤酒。

越耐越甜鸡又滑 狂食牛猪羊回本

等咗15分钟,鸡煲终于上枱,虽然唔似重庆麻辣鸡煲一上枱就劲惹味劲开胃,但也有阵阵椰香飘散。鸡肉唔嚡,好嫩滑,椰浆都入味,食头嗰嚿可能觉得一般般,不过呢个鸡煲越食越甜,煲到尾啲鸡肉都无韧,keep住滑,抵讚,想劲encore食多煲!两个人有半只鸡,不过鸡件都比较多骨少肉,份量仅仅够,想啖啖肉就难啲啦!

【自助餐放蛇起底组】 $128深宵放题  椰子鸡煲火锅食足4
椰子鸡煲啲鸡好滑,而且越食越甜,鸡肉充满椰浆味,好正!!!
【自助餐放蛇起底组】 $128深宵放题  椰子鸡煲火锅食足4
可惜呢,鸡肉骨多,肉比较少,想啖啖肉有啲难度。

食完鸡煲就加汤打边炉,边炉料喺落纸仔order,有77款,肉类除咗牛、猪外,仲有羊肉,另外有花胶、牛骨髓、杂丸、自製云吞同饺,海鲜就少啲,可主攻肉类回本。肥牛有肩胛肥牛,脂肪比较少,食落好有咬口,而且吸埋汤底椰浆味,牛肉味中带阵阵香甜,好正!猪就用黑豚肉片,食落完全唔韧,羊肉好有弹性,头两啖有羊膻味,三款肉都唔错。温馨提示,所有肉片都切到好薄,夹起小心佢烂,渌太耐小心会韧!

【自助餐放蛇起底组】 $128深宵放题  椰子鸡煲火锅食足4
有成77款打边炉料,肉类、牛骨髓、杂丸等等都有,係海鲜类少啲。
【自助餐放蛇起底组】 $128深宵放题  椰子鸡煲火锅食足4
肥牛用肩胛肥牛,脂肪少啲。
【自助餐放蛇起底组】 $128深宵放题  椰子鸡煲火锅食足4
仲有黑豚肉片(右),同埋羊肉喎!

火锅配料满意 雀巢雪糕任食

牛骨髓好滑,似食紧肠粉,无雪味;花胶好重胶质感,食得过!台式芝士蛋未见过喎,仲以为会好似港式芝士丸咁爆浆,但原来唔喺,有芝士粒粒喺入面,食落口感QQ得嚟有芝士味慢慢爆下爆下,好似食紧爆炸糖咁,几得意!自製云吞同饺类都唔错,菜肉云吞皮有少少厚,木耳水饺超正,入面仲有红萝蔔粒、猪肉,超爆馅,好好食!!

【自助餐放蛇起底组】 $128深宵放题  椰子鸡煲火锅食足4
牛骨髓同花胶都唔错,前者滑似肠粉,后者胶质感超重,记住要食!
【自助餐放蛇起底组】 $128深宵放题  椰子鸡煲火锅食足4
台式芝士蛋有粒粒芝士喺入面,食嗰阵弹下弹下好得意!
【自助餐放蛇起底组】 $128深宵放题  椰子鸡煲火锅食足4
自製菜肉云吞同木耳水饺都唔错,但如果菜肉云吞嗰皮薄会好啲
【自助餐放蛇起底组】 $128深宵放题  椰子鸡煲火锅食足4
两个都超爆馅
【自助餐放蛇起底组】 $128深宵放题  椰子鸡煲火锅食足4
甜品有巢雪糕任食。

 

总结:虽然前菜味道一般,但主菜椰子鸡煲有惊喜!超级香甜好好食,而且边炉料选择多+质素唔错。环境坐得舒服,就算爆场,都好阔落,hea几粒钟无问题,而且$128仲要唔收加一,食足4粒半钟,超抵玩,所以今次都值得俾高分!

总分:8.5/10

【自助餐放蛇起底组】 $128深宵放题  椰子鸡煲火锅食足4
楼底劲高,环境阔落。

【自助餐放蛇起底组】 $128深宵放题  椰子鸡煲火锅食足4【自助餐放蛇起底组】 $128深宵放题  椰子鸡煲火锅食足4

满堂红鸡煲烤鱼特式火锅

地址: 深水埗青山道29-33号永胜大厦地下(显示地图)

电话: 2618 0888

营业时间:1pm-12mn

收费: 晚上10:30pm后入座:$128

星期五、六、假期前夕每位加$10

用餐时间:10:30pm-3am

备注:不收加一

延伸阅读:

|18区扫食|深水埗8大惹味店 芝士鸡髀保龄球

【自助餐放蛇起底组】旺角$158任食 芝士x部队锅



上一篇:
下一篇: